Siaha District-a Riasikah khuaa Pu Lalduata-te chhungkaw luahlai Assam Type chu Ningani zan dar 8:30 vel khan bungraw engmah chuh hman lovin a kangral vek. Siaha atanga thudawn danin, in kan lai hian in neitu Pu Lalduata te chhung chu ina an awm loh avangin a kan chhan chiang taka hriat theih a ni lova, electric kalsual vanga kang nia hriat a ni. In kang hi hmuh a nih chuan a lo kan nasat tawh avangin thelh theih a ni tawh lo a ni. In kang hi Bialtu MDC, Pu HC Lalmalsawma Zasai chuan vawiin khan a tlawh a, hnatlang thingpui lumna tur a pek bakah in sakna hmanrua perek leh Silpoulin a pe a. Vanduaina tawk chhungkuate chu sorkar atanga tanpuina awm theite an dawn theih nan hma a lakpui tur thu a hrilh bawk. Kangmei tuar chhungkaw tan hian Riasikah khawtlang chuan vawiin khan in sakna tur chak an lakkhawm sak a ni.
