Nizan dar 7:30 vel khan Siaha Meisatla thlanga ABC Home bulah Siaha leh Lopu inkara Maxicab tlan \hin chu kawng thlangah a tlan liam a, a hmunah mi 4 an thi a, mi dang 8 an hliam. He motor, vanduaina tawk ta hi Lopu a\anga Siaha pan a ni a, thi te hi VT Beihneingia, kum 28 mi, VT Kheihmo fanu, Bei-aw, kum 14 mi, H. Ngura fapa, HV Naki, kum 40 mi, H. Ngura nupui leh HT Sepaw, kum 58 mi, Pu R. Zahawma nupui an ni a, hliam na zual 5 zingah hian ke ruh tliak pahnih an awm a, chung mite chu vawiin khan Lunglei Civil Hospital-ah thawn an ni a, hliam dangte chu Siaha Hospital-ah enkawl mek an ni. He motor khalhtu, H. Lalramngaia chu motor lum tawp thleng a lum na a, vanneihthlak takin a hliam na lo zingah a tel a ni. He motor hi Kakichhuah khaw mi, Laltlanchhuaha ta a ni. He Maxicab chetsual chhan hi kawng chho ulh laiah a khawlin a zawh loh vang nia sawi a ni a, a brake hmangin a tiding zo lo niin driver chuan a sawi a, kawng thlanga an lum thui zawng hi meter 90 vel a tling a ni.
