SHAIDC hruaitute hian thuthar thehdarhtutte vawiin khan Aizawl Press club-ah kawmin sorkar nen inremna an neih tawh, tun thlenga tihpuitlin ala nih loh chungchangah kum 2016 May ni 25 khan Gauhati High Court, Aizawl bench ah an zual ko tih an sawi a, a hnu kum 2017 September thlaah Court in Memorandum of Settlement (MoS) para 5.1 leh 5.3 te ti puitling turin order a chhuah a ni an ti a, hei hi Mizoram sorkarin a tihpuitlin loh avangin kum 2018 khan court chuan contempt of court-ah ngaiin kumkhat chhunga ti puitling turin hun a pe leh a ni an ti a, sorkarin ala tihpuitlin loh fo avangin kumin February thla khan Guahati High Court chuan Mizoram sorkar chu chawlhkar li chhunga ti puitling tura a intiamna dungzuiin hma a la ngei tih lantirna tur affidavit siam turin thupek a chhuah zui leh tih an sawi.
SHAIDC hotute chuan, kum 1994 a Mizoram sorkar leh HPC te inremna tihpuitlin chu an thil tum ber a nih thu an sawi a, a hlawhtlin hma chuan chawlhsan an tum loh thu an sawi a, hetihlai hian kum 2018 a HPC ‘D’ leh Mizoram sorkar inremna an ziah \uma kum 1994 a inremna an ziah a luahlan ang tih an ziah tel chu Court thutlukna erawh chuan a luahlan lo a ni tih a tichiang thung a ni an ti a, sorkarin kum 2018 a inremna aiin a hmasa zawk 1994 inremnaa tih hlawhtlin chu a ngaipawimawh hmasa zawk turah an ngai tih an sawi.
