Dr. John L Sailo hi Thawh\anni khan Covid-19 a kai tih hmuhchhuah a ni a, amah hi zunthlum nei a ni a, nizan lamah a dinhmun hi a \ha lo zual a, a natna tuar chhuak zo lovin a thi a, kum 69 mi a ni. Amah hi Meghalaya-a coronavirus kai hmuh chhuah hmasak ber a ni. Meghalaya Chief Minister Conrad Sangma-a’n twitter-a a tarlan danin Dr John L Sailo bulhnaia lo awm tawh, mi 68 te thisen endik zingah 6 chuan coronavirus hi an kai tih hmuh a ni a, hengte hii te hi a chhungte leh amah puitute an ni. Hemi hnu hian sample 50 dang test leh tawh a ni a, hengte erawh hi chu an vaiin an negative vek tih Conrad Sangma hian a sawi.
Dr. John L Sailo hi Captain Lalrinthanga Sailo leh Diki Sailo te fa a ni a, damdawi thiamna hmanga midangte tana rawngbawltu langsar tak a ni a, Meghalaya leh Mizoram-ah amah suntu an tam hle. Amah hi Shillong-a Bethany Hospital dintu leh neitu a ni a, Bethany Hospital hi luh leh chhuah khap a ni tawh a, March ni 22 leh a hnu lama he damdawiin tlawhtu zawng zawng chu state sorkarin a chhui zui nghal a ni.
