He Biak In thar hawnna Programme, Biak In tuala neih hi Building Committee Chairman, Upa C Lura Zadengin a kaihruaia, hawn hnu hian Biak In chhungah Biak In thar Pathian hnena hlanna leh lawmthu sawina neih zui a ni a, inkhawm chu Upa Sailoliana Sailovin a kaihruaia, hetah hian BCM President, Rev. C Lalbiaksanga Chinzahin Biak In thar chu Pathian hnenah a hlan a ni. He inkhawmah hian Rev. F. Ramdinmawia’n Pathian thuchah a sawia, BCM Zaipawl, BCM Shillong Bial zaipawl, BCM Madanriting leh A Hmangaihna Faktute an zai bawk a ni. Biak In thar hawn Programme zawhfel hnu hian a lawmna ruai \heh a ni a, Biak In thar hawn leh lawmna programme hi naktuk, Pathianniah pawh chhunzawm a ni ang. Shillong-a Mizo Kohhran Biak In Presbyterian Kohhran mite leh BCM kohhran miten kum 43 lai an lo inhman \awm tawh chu BCM Biak In thar hawn a nih tak avangin an inhman \awm dawn tawh lova, Biak In hran ve ve-ah an lawi thei tawh dawn a ni. BCM Kohhran Biak In thar sakna tur hian Presbyterian Kohhran leh BCM kohhran chuan kum 2018 September ni 1 khan inremna thuthlung an siam a, chu chu bawhzuiin BCM kohhran chuan Biak In hmun atana Nongthymaia ram leiah Biak In sak hna ngawrh takin a thawk nghala, concrete Biak In mawi leh \ha tak, a dung feet 80, a vang feet 45, mihring 400 vel len theihna a sa a, a chhawng hnuai ber, lei zawl chu motor dah nan hman a ni a, a chung chiah, Zopa chhiara chhawng khatna chu Hall, Office leh Chowkidar awmna bakah inthiarna siam nan hman a ni a, a chhawng chungnung ber chu Biak In a ni.
