Serchhip Sub Hqrs YMA hruaituten YMA General Conference vawi 72-na thlengtu tur N.Vanlaiphai tlawhin Conference thlenna tura inbuatsaihna an enpuia, ‘Central YMA leh Mizoram PWD te thawhhona thuthlung’ an zirho nghal.

YMA General Conference kumin October thlaa neihna turin N. Vanlaiphai field buatsaih mek a ni. Hemi rual hian Serchhip Sub Hqrs. YMA hruaitute chuan Central YMA leh PWD thawhhona thuthlung hlen chhuah nan North Vanlaiphai leh a chhehvela kawng siam chungchanga PWD hnathawk hrang hrang an enho nghal a, N. Vanlaiphai Rahsi Veng Kohhran Hall-ah Joint Meeting an nei nghal a ni.

Serchhip Sub Hqrs. YMA President, Pu R. Sanghmingthanga chuan ram leh hnam dinchhuahna tura mipuite beiseina innghahna chu YMA a ni tih sawiin, hmasawnna hnathawhte chu \haa ngai mai lovin sum sen nen a inmil em tih leh hna a \ha tawk em tih te, eng hmanrua nge hman a ni tih te thlengin vil zui reng turin YMA hruaitute a chah a ni.