Inkhawma thusawiin Chief Minister chuan, kum 1989 a\angin sorkar chuan a mamawhtu, rahbi tuk sak ngai chhungkuate hnenah rangva a lo sem \an tawh nia sawiin, NLUP pawh a mamawhtu, mi khaichhuah ngai nia hriatte hnenah pek an lo ni tawh \hin a, vawiin thlengin \anpuina hi sorkarin a la kalpui zel niin a sawi. Rangva dawngtute chu a nihna ang taka \angkai taka hmang turin a chah a ni. Chief Minister chuan, ramin hma a sawnna kawngah mitinin mahni tawkah mawhphurhna an neih vek thu sawiin, mahni hna \heuh theih tawp chhuaha an thawh chuan mahni ngei an lawm a, Lalpa an chawimawi tihna a ni a, a hlawkna chu ramin a lo tel \hin a ni a ti bawk. Inkhawm hi Serchhip BDO, Pu Vanlalhmachhuana’n a kaihhruai a ni.
