Serchhip khawpui chhunga AOC veng leh Chanmary huamtu Village Council, Serchhip VC-VII ten cheng nuai 6 chuang hret senga Ambulance an lei chu Covid19 do nan leh a tul apianga hman turin Serchhip District Hospital-ah an hlan.

A hlanna inkhawm hi Chief Medical Officer Conference Hall ah neih a ni a, Serchhip bialtu pastor H. Lalawmpuia’n Pathian hnenah a hlan a, VC-VII President Pu H. Lalthianghlima’n Ambulance chabi chu CMO Dr. Laldawngliana Sailo, leh Medical Superintendent Dr. ZD Lalmuanawma te kutah a hlan a ni.

VCP Pu H. Lalthianghlima chuan kawng hrang hranga sum an hmuh atanga tlem te te an khawl khawm chu Ambulance lei nan hian an hmang tih a sawi.