A hmanpuitu I&PR Minister, Pu Lalruatkima chuan, tunlaiin mahni hnam thil ngaihsan lohnain Mizote a chiah nasa hle tih a sawi a, Mizo \awng a dal tial tial a, tun hmaa Nu-in nau a awihna hlate thlengin thlak danglam a ni mek nia sawiin, mahni hnam zia hlut thar kawngah \hangthar ten nasa takin mawh an phur tih an hriat a ngai ni, a ti. Pu Lalruatkima chuan, Lehkhabu chhiar uar thar leh a \ul tih a sawi a, Mizo \awng a boral loh nan ziak mite ngaihlut thiam a pawimawh bakah an lehkhabu ziahte chhiar sak an ngai tih a sawi.
Bialtu MLA Pu Lalduhoma pawhin, Kawlri tlang leh En tlang chu Heritage Centre lian tak atana buatsaih tum a nih thu a sawi a, hemi atana sum mamawh cheng vaibelchhe 15 man vel Mizoram University a mithiam 11 ten project tur hi an buaipui mek tih a sawi.
Serchhip Heritage Society President Pu Lalrinthuama Kawlni pawhin an pawl dinchhan sawiin Serchhipa pi leh pute hmun hlui pawimawh awmte a riral mai lohna tura \hangtharte hmuh theih tura vawn him a nih thu a sawi.
Inkhawm hi Serchhip Joint Village Council Chairma,n Pu Zohmangaiha Ralte-in a kaihruai a, tlawmngai pawl hrang hrang leh zirlaite an tel a ni.
