Tun hnaia Party \henkhatin Lok sabha inthlanpui Campiagn-na atana Citizenship Amendment Bill an hman chungchangah CAB do bik riauva insawite chu mipui bumna niin a sawi a, Citizenship Amendment Bill dotute chu tun hnai mai khan Guwahati-ah hmarchhak pum huapin All Party Meeting an nei a, hetah hian Chief Minister, Pu Zoramthanga nen an tel ve thu leh CAB dona Resolution an pass thu a sawi. Pu C. Lalramzuava chuan, Congress leh ZNP chu CAB do anga insawi sia he inhmuhkhawmnaa an tel ve lo chu mak a tih thu sawiin, Guwahati-a media-ten an tel ve loh chhan an zawh pawhin chhan ngaihna an hriat loh thu a sawi.
Chief Minister Adviser chuan, CAB dodal anga insawi Congress leh ZPM in mipuite tichiai zawnga thu an thehdarh chiam chu pawi a tih thu sawiin, he Bill do bik ta riauva insawi hi mipui bum tumna a ni, a ti. An Party chuan CAB duh lohna thu hi a sawina tur hmun dik tak – Assembly House-ah Minister-ten an putluh thu leh Guwahati-a All Party meeting-ah pawh a meizang hlaptu ber an nih thu a sawi a ni. Pu C. Lalramzuava chuan, MNF sorkar chu ni 100 chhung vel lek a la ding chungin zu zawrh an titawp nghal a, Aizawl khawpui a\anga Assam Rifles sawn chhuahna tur Order hmuh a nih nghal thu sawiin, MNF Party chuan ram tan zau zawka rawng an bawl zel theih nan Lok Sabha inthlanpui neih turah pawh MNF Candidate vote \heuh turin mipuite a ngen a ni.
