Dan kalha hmun dang atanga Serchhip District chhunga vawk lak luh 28 chu nizan khan Serchhip Police-in Tuichang lui bulah an man.
Serchhip atanga thu dawn danin, tun hnaia Champhai District, Biate-a Vawk pul hri leng avangin Serchhip Bawrhsap, Pi Sangchhin Chinzah chuan kumin July ni 28 khan ram dang, a bikin Myanmar atanga Vawk lak luh khapna thupek a chhuah a. He thupek bawhchhiaa vawk lak luh 28 chu nizan khan Serchhip Police-in an man ta a ni. Vawkte hi 207 Truck pahnih hmanga phurh a ni a, a neitu, Lalramchhana, Champhai Zotlang chuan heng Vawk-te hi Bawihi, Tahan-a mi hnen atanga a lak chhawn nia sawiin, Serchhip District-a Vawk lak luh khap a nih thu hi a hre lo niin a sawi a. Lawngtlai leh Siaha District lama hralh tur niin a sawi bawk.
Vawk 28 zinga 26 chu talh rual a ni tawh a, a vaiin cheng nuai 5 man vel a ni.
