A hmanpuitu National Health Mission Director Dr Lalrozama chuan hmarchhak state te zingah Mizoram chuan nu naupai enkawl tha ber lawmman a dawng a, hriselna lama thawktu ASHA te thawhrimna vang a ni a ti a, thingtlang leh khawpui veng thenkhat atanga ASHA ten damdawi in-a nau nei tur an kalpuiin thawktuten tha taka lo dawnsawn a \ul tih a sawi.
Mizoramah Health Sanitation Committee 830 din anih tawh thu te, chung zinga 46 chu Serchhip District chhung a mi anih thute, Mizoram pumah Accredited Social Health Activist (ASHA) mi 1094 an awm mek thu te, Serchhip District ah chuan 64 an awm thu te training ah hian sawilan a ni a, ‘Nu, nau chunga thihna leh nausen kum 1 hnuailam thihna thleng thin ti tlem tura nu leh naute hriselna enkawl dan tur an zirho a ni.
