Kuminah MLA Fund pekchhuah dan a mumal loh avang leh sum an dawn hun tura an beiseiah pawh dawn a nih loh avangin MLA Fund hmanga hnathawh tura an ruahman pawh engemaw zat thawh theih a la ni lo tih Pu Lalduhoma chuan a sawi a. Hetiang a ni chunga an sum hmuh tlemte hmanga hna \ha taka zawhfel theih a ni chu thil lawmawm tak a ni, a ti a. He hna thawktuten khawtlang tana inpe taka mahni hlawkna um lova hna an thawk chu a ropui a, hei hian mipuite leh MLA dangte tan pawh MLA Fund hman danah inelna thianghlim thlen se a duh tih a sawi. Pu Lalduhoma chuan, MLA Fund hmanga hnathawh chuan huang chin a nei a; chumi huang chin pela MLA Fund hman chu ZPM chuan an tih ve dawn loh avangin dik tak leh \ha taka hna an thawh zel a \ul tur thu a sawi.
Assembly thlasik \hutkhawm neih zawh taka MLA-te ham\hatna dawn leh an hlawh pun chungchangah Pu Lalduhoma chuan, hlawh pun hi tunlai khawsak hautak zia leh MLA-te dinhmun thlir chuan àwm lo em em pawh a ni lo mah se, Mizoram retheih zia leh pachhiat zia ngaihtuah chuan thil inmil lo tak leh tih loh tawp tur a ni, a ti a. Minister bakah, ruling MLA-te Minister ang maia hautaka khawsa tura nihna an inbel thluah chu \ha lo a tih thu a sawi a.
MNF kaihhruai Sorkar hnuaiah, “committee mawng pawp” a awm \hin hi a \ha lo hle a, MLA motor leina tur tih pun leh MLA hlawh pun chungchanga thu dik lo leh belhchian tlak ni hauh si lova a hminghliau theihna tura committee thu, social media lama a lang chhuak chuan committee mawng a pawp \hin tih a ti chiang a ni a ti a. MLA hlawh ennawntu tur Committee-ah vawi khat chiah a tel a, thuthlukna siam mai lo va, ngaihtuahtu tur pawh ruat \haa uluk lehzuala sawi ho chi a nih zawk thu chauh an rél lai a, a hriat zui ve tawh lova hlawh tih pun duhtu zing ami anga thu a chhuak chu mak a tih thu a sawi.
Hemi pual inkhawm tawi buatsaih hi Serchhip Block ZPM Sr. Vice President, Pu Lalchhara’n a kaihruai a, Serchhip-a tlawmngai pawl hruaitu hrang hrang an tel a ni. Lei hi a dung ft. 55 leh avang ft. 5.8 a zaua dawh a ni. Serchhiop bialtu MLA Pu Lalduhoma hian ni 3 chhung cham turin nimin khan Serchhip hi a thleng a, nimin vek khan kumina Mizoram State Games lo awm tur chungchang Serchhip Assembly Constituency Organising Committee -te a \hutkhawmpui nghal a ni.
