Vawiina Serchhipa thuthar lakhawmtute a kawmnaah Pu Lalduhoma chuan, hmasawnna hnathawh reng reng chu rintlak leh dik taka thawh a ni tur a ni tih sawiin, hemi ven kawngah hian an bial chhunga khawtlang mipuite \awiawmna a ngen a. A bial chhunga hmasawnna hnathawh tawh leh hnathawh mekte chu bialtu a nihna angin duhthusama mipuite tana chhenfakawm a nih ngei theihna tura vil chu a tih tur a ni, a ti. Serchhip bial chhungah hman zui tlak loh leh mipui tana hlutna nei lo thil tam tak lo kalpui tawh a awm tih sawiin, Pu Lalduhoma chuan, PWD SE Building te, Horticultre Cold Storage te, AH&Vety Departmen hnuaia Slaughter House te, Irrigation EE Quarter te, Supply Godown leh Staff Quarters te, Nursing School leh Hostel Building chu hman \angkai lohvin a awm mek a ni, a ti a. Hei hi \ul lova sum khawralna a nih avangin hetiang a thlawna sum a luan ral tawh loh nan hmalak a ngai a ni, a ti.
Pu Lalduhoma chuan, Serchhip District Hospital Building thar sak tur chu a hmun ngaiah sak a ni dawn tih a sdawi a, Minstry of Women & Child Development hnuaia Hmeichhia leh Naupang chanhaite enkawlna hmun, Swaadhar Greh sakna hmun tur pawh tihfel a ni tawh thu leh Serchhipah District Socilal Welfare Office hawn thuai tura hmalak mek a nih thu a sawi a. Nakkuma serchhip khawpuiin KTP General Conference a thlen turah inbuatsaihna chak zawka klapui a nih tur thu a sawi. Thuthar thehdarhtute a kawm zawhah Serchhip Bialtu MLA Pu Lalduhoma hian Serchhip District MJA-in Press Club Building an sak mek chu a tlawh bawk.
