He thu hi vawiina Thenzawl Field Veng Branch YMA Run hnuaia UD&PA Department-in cheng nuai 7 senga vantlang inthiarna an siam a hawnnaah sawiin, Pu Lalduhoma chuan, hnatawktuten hlep hnem an tum lutuk \hin chu hmasawnna daltu a nih phah fo avangin ven a ngai a, chumi veng tur chuan mimal leh tlawmngai pawlte penchhuak \hin turin a sawm a ni. Pu Duha chuan, MLA Fund hmangin a bial chhung hmun 10 velah hna an thawk zo tawh a, hmun 12 velah hna thawk \an leh mek a nih thu leh a bial chhunga MLA Fund hmanga hnathawhte uluk taka a enfiah \hin thu a sawi a. Thenzawla MLA Fund hmanga hnathawh chu a \ha hle nia a hriat thu sawiin, sum tlemte hmangin hna \ha taka thawh theih a ni tih Zoram mipui hriattir an tum tih a sawi.
He inkhawm hi Field Veng Branch YMA President ,Pu K. Lalmuanpuia’n a kaihruai a. Helai hmuna vantlang inthiarna hi UD&PA sum cheng nuai 7 hmanga siam niin, Field Veng Branch YMA kutah hlan fel a ni tawh a, an ni hian an enkawl zui dawn a, khualzin leh a duh apiang tan man chawia inthiar theih a ni dawn a ni.
