He thu hi vawiina Serchhip Block Congress Conference Serchhip Auditorium-a neihah sawiin Pu Lal Thanhawla chuan Congress-in ram thuvawn an neih hmasak ber ‘inngaihtlawm leh Lalpa \ih man chu sum te, chawimawina te, nunna te a ni’ tih chu hre reng turin an party mite a chah a, Congress Party chu Mizorama remna leh muanna leh hmasawnna thlentu, Lal Isua lam\ang nia sawiin, Mizorama hmasawnna hnathawh lian zawng zawngte chu Congress sorkar laia tih vek niin a sawi a, chung zingah chuan chung zingah chuan Tuirial Hydel Project Kawlphetha megawatt 60 pe chhuak thei tur siam zawh tak leh Falkawna Referral Hospital tuna MIMER Medical College-a siam tak te a tel niin a sawi a ni. Pu Lal Thanhawla chuan Serchhip mipuite chu amah term 7 lai tling theia siamtu an nih avangin lawmthu a hrilh a, thlantlin leh a nih theihna tura \an la turin a fuih bawk.
He inkhawm hi Serchhip Block Congress Committee President, Pu PC Vanlalsawma’n a kaihruai a, hetah hian Social Welfare Minister, Pu PC Lalthanliana leh party hruaitute \hahnem tak an tel a, Pu Lal Thanhawla hian an party zawmthar mi \hahnem tak a lawmlut a ni.
