He inkhawm hi Mizoram Powerlifting Association Vice President, PU HF Lalrinpuia’n a kaihruai a, Aizawl Deputy Mayor, Pu Lalringliana’n a hmanpui a ni. National Classic Powerlifting Championship neih zawh takah hian Mizoram aiawhin mi 9 an tel a, an zinga 5-in Gold Medal lain, Silver leh Bronze Medal pakhat ve ve an la bawk a, Mizoram hi a pumpuiah Team Champion a ni a, Kg. 66 inelna huanga Silver Medal latu, Ramfanmawia Kulikawn chu best lifter atan thlan a ni bawk.
National Classic Powerlifting Championship hi kumin December-a Philippines-a Asian Championship neih tura India aiawh tur thlanna a ni nghal a. Mizoram a\anga Gold Medal latu 5-te hi India aiawh turin an tling nghal a ni. Mizoram Team zinga mi P. Lalchamliana Lunglei Venglai chuan September thlaa Mongolia-a World Championship neih tura India aiawh turin New Delhi-ah India Team a zawm nghal a ni.
