Vawiin chawhnu dar 3:30 khan Sesawng lam luikam a\angin Khawruhlian lam luikamah thirlei ruhrel hi nawrkai a ni. ZONET zawhna chhangin PWD hotute chuan he thirlei dawh hna hi a chak thei ang bera thawh tum niin an sawi a, karleh tawp lamah chuan a tihchakna, Double Double-a thlawp zawh theih beisei a ni a, lei dawh hna pumpui hi tun thla tawp lamah chuan zawh hman tum a ni. Hemi rual hian he thirlei, bailey bridge dawhna tura luikam sir tawn tawn a kawng chhuat laih hniam leh a siam\hat ngai lai zawng zawng te pawh siam\hat theih tum a ni dawn a ni. He thirlei dawh hna hi PWD Mechanical Division-in riahchilhin chhun zan zawmin an thawk a, hnathawktute hi vawiin khan Chalfilh bialtu MLA Dr. Ngurdingliana chuan tlawhin an eiturte a pe a, chak taka hna an thawh theih nan anmahni puih \ulna a piangah puih a inhuam thu a hrilh a ni. Vawiin vek khan hnathawktute leh an hnathawh dan PWD Highway Chief Engineer Pu K. Lalsawmvela leh officer dangten a hmunah an enpui a ni. Hetihlai hian Chalfilh Group YMA Office Bearers te chuan Khanpuiah vawiin khan meeting neiin lei dawhna chhak lama lei dawh chhunga hman lailawk tur thinglei siam\hat ngai lai siam\hat dan tur chungchang an sawihova, a \ul dan anga hmalak an tum a ni. He meeting hi Group YMA President, Pu R. Lalmanthanga’n a kaihruai a ni. Puan tawh angin PWD-in hume pipe hmanga tuna thirlei dawhna chhak lama lei an dawh chhe laiah Chalfilh Group YMA leh Tuivawl bialtu MLA, Pu RL Pianmawia te ruahmanna siam angin thing lei dawh a ni a, hei hi tuilianin a hruat hnuah motor te chi tan zawh a hlauhthawnawm loh nan a siam\hat dan tur ngaihtuah a ni.
