October ni 17 leh ni 19 inkara Champhaia YMA General Conference neih hmaa Seling leh Champhai inkar kawng siam \ha turin PWD-in tunlai hian ngawrh takin hna a thawk mek. He kawng enkawltu, PWD Highway hotute hnen a\anga thu dawn danin he kawng khuar chhe lai leh nal lai siam \ha tura tuna harsatna an tawh hnem ber chu kawng chhuat khuar lai leh chhe lai hnawhna tur lung tam tawk an hmuh theih loh vang a ni a, Keifang bula quarry hlui a\anga lung lak leh theih nan Aizawl Bawrhsap phalna an dil tawh a ni. Tunah hian Champhai lam a\ang leh Keifang lam a\angin a theih dan ang angin lung lak khawm mek a ni a, kawng khuar lai hnawha a siam mam a nih bakah kawngsira tuihawk luan kawr chhe tawhte siam \hat leh mek a ni a, hnathawh harsatna lai ber chu Tuivawl bula lei min lian tak awmna hmun niin an sawi. Khawzawl leh Champhai inkarah kawng siamtute hi tlawmngai pawlten an pui a, Seling leh Keifang inkar leh Kawlkulh leh Khawzawl inkarah pawh he kawng Contractor, Nidhi Creative Infra. Ltd.-in ngawrh takin hna a thawk \an tawh a, Contractor hian kawng siamna atana lung lakna tur quarry pawh a nei a ni. Puan tawh angin, YMA General Conference thlen hmaa Seling leh Champhai inkar kawng, tluang taka motor kal theih tura siam \hat dan tur hi Inrinni khan PWD Highway Chief Engineer, Pu K Lalsawmvela leh Central YMA hruaituten an enfiah a ni.
