Assembly Budget Session neih meka Chief Minister, Pu Zoramthanga’n vawiina Mizoram Budget a tlangzarh hnua thuthar thehdarhtute a kawmna a \awiawmnaah Health Minister nibawk, Dr. R. Lalthangliana chuan, sorkar hmasa lama NLUP kalpui a nih lai kha chuan Department-ten hnathawh tur mumal an nei lo niin a sawi a. MNF sorkar-in SEDP a kalpui turah erawh Department-te chu a tam thei ang ber hnathawh tur pek an ni dawn tih a sawi. Dr. R. Lalthangliana chu SEDP chu NLUP anga a thlawna sum semna tur a ni lo tih a sawi a, SEDP chu Project anga kalpui a ni dawn a, a huam a zau dawn hle a ni, a ti a. MNF sorkar-in Budget hmasa ber a pharhah SEDP kalpui nana Rs. vbch. 750 a dah nghal chu thil lawmawm tak a ni tih sawiin, hemi bakah hian a dang pawh a awm zel dawn a, nakkum lamah pawh tuna la telh loh thil thar bilh tel zel tura ruahmanna siam a ni tih a sawi.
MNF Vice President chuan, Congress sorkar NLUP-in a tum ber chu a thlawna sum sem a ni a, SEDP-ah erawh chuan rahchhuah tura hnathawk thei tura mipui \anpui chu an tum a nih thu a sawi.
