Mithiamte hian Borneo leh Sulawesi thliarkar inkara Makassar Strait tui hnuaiah \um tam tak lei a min tih an sawi a, hei hi a thleng nawn leh theiah an ngai a, a lo thleng a nih chuan khawpui tura an thlan bul hnai mai Balikpapan Bay-ah tsunmai a insiam thei tih an sawi.
UK-a Heriot Watt University-a thawk Dr. Uisdean Nicholson chuan thil awmdan chiang taka hre turin hna tam tak thawh tur an la nei tih a sawi a, Indonesia sorkar chu khawi hmunah emaw thil thleng mai thei hmachhawn tura a inbuatsaih a \ul tih a sawi a, na lutuk lo emaw, na deuh taka thawk thei a nih ve ve avangin lo inbuatsaih lawk chu a pawimawh hle tih a sawi.
mithiamte hian seismic data hmangin Makassar tui hnuaia leimin tlakhawm leh leilung awmdan an zirchiang a ni.
