Ram leh hnam kal zelna turah zirna chu a hnukpui ber a nih avangin helama mawhphurtute chuan an pawimawh an hriat thar deuh deuh an ngai tih sawiin, Pu Lalchhandama Ralte chuan, zirna In tinah inenkawlna \ha kalpui a \ul a, Headmaster-in a thawhpuite nen school nuam a awm theih nan zirtirtute an fuih thiam a, tih tur leh thawh tur an pek thiam a pawimawh tih a sawi. Pu Lalchhandama Ralte chuan, zirtirtute chu inthununna kawngah pawh tih tur leh tih loh tur chin an hriat chian a ngaih thu leh danin a phut angin an kal em tih an inengfiah fo a \ul tih a sawi a, naupangte tan environment nuam lo a awm thei em tih te leh zirlaiten an chan tur an chang em tih te thlithlai reng turin Headmaster-te chu a chah bawk.
SCERT Deputy Director, Pi Lalduhawmi Thomte-in NCERT hnuaiah National Resource Group-ten state tinte tan training kalpui tura a tih anga he Training hi buatsaih a nih thu a sawi a, hetah hian Headmaster leh zirtirtu 8951 training tir tum a ni, a ti.
