ZPM member, Pu Vanlalhlana’n zirtirtu indaih lohna tireh tura sorkar hmalak tum dan leh zirtirtu lak chu dik leh felfai taka kalpui tum a nih leh nih loh a zawhna chhangin, Pu Lalchhandama Ralte chuan, zirtirtu indaih lohna tiziaawm turin tunah hian Primary Teacher Post ruak 94 hnawh khat turin MPSC-in Interview a kalpui mek tih a sawi a. Hei bakah hian Middle School Teacher 58 lakna tur Interview neih zawh a ni tawh a, High School zirtirtu Contract-a thawk tur 164 lakna tur pawh buaipui mek a ni a, heng baka Post ruak tam tak la awmte hnawhkhat turin hmalak mek a ni a, tunah hian Chief Minister remtihnain MR-a thawk tur zirtirtu lak tum a nih thu a sawi bawk.
School Education Minister chuan, tuna MPSC kaltlanga zirtirtu lakna tur buaipui mek chu dik taka kalpui tur leh a tling leh thiamte ngei la tura hriattir an ni tih a sawi a. Minister a nih angin zirtirtu lak mekah hian thun ve tura diltu \hahnem tak an awm a, heng mite hnenah hian a tling leh thiam ngeite chauh lak an nih tur thu a lo hrilh \hin tih sawiin, Contract leh MR-a thawk tur lak tumte pawh dik taka kalpui a ni dawn a, RTE in a phut angin Training chhuakte ngei lak an ni dawn a. A bikin MR-a zirtirtu lak tumte chu zirtirtu indaih lohna zualpui phuhruk nan a \angkai hle dawn a ni, a ti.
