Pu Lalchhandama Ralte chuan, sorkarin zirna chu a ngaihpawimawh zual zingah a dah tih sawiin, zirna tihhmasawnna tur thilah chuan Chief Minister pawh a inhawng a, thawktute hlawh bat chu sorkarin a tum lo a ni a ti. Pu Lalchhandama Ralte chuan, Mizoram pumah zirtirtu post ruak 2300 dawn a awm tih a sawi a, hemi avang hian tun academic session tan tirah pawh Primary School 13-in zirtirtu an nei lo a, inthlan vuakvet avangin transfer leh posting a tih theih bawk si loh avangin harsatna thleng mekah a bulhnai school dang zirtirtute hmuitir rih an ni a ti a, siamrem theih hun a nghahhlelhawm hle a ni a ti. Pu Lalchhandama Ralte chuan, Zirtirtu mamawh phuhruk nan thingtlang hmun hrang hrangah MLA fund a\ang te, ni za inhlawhna a\angte leh zirtirtu thawk laite hlawh a\ang te-in zirtirtu rawih an ni \hin a, hnatlanga thawh luih luih reng chu \ha an tih lo tih sawiin MR teacher sangkhat dawn la turin sorkar a inbuatsaih mek a ni a, heng MR zirtirtute hi skill II level-a hlawh pek tum an ni a ti.
Pu Lalchhandama Ralte chuan MR teacher an lakna turah a theih chin chinah a khaw mi emaw a bul hnai khua a mite emaw duhsak an nih tur thu a sawi a, transfer kherh kherh lo tur lak an ni dawn tih sawiin Post ruak hnawhkhat turin MPSC kut an nghah chuan hna an ngah si a, a rei lutuk dawn a, zirna a tluchhe hman thei dawna a lan avangin Sorakin a tih tur a hria a, chumi ang chuan a kal phawt dawn a ni a ti.
Minister hi MLA Pu L Thangmawia leh Pu C Lalmuanpuia ten an \awiawm a ni.
