Nimina Lunglei Convention Center-a Lunglei District chhunga Primary leh Middle School Headmaster te tana intuitharna buatsaih a hmanpuinaah Pu Lalchhandama Ralte chuan, kum 7 chhung CCE kalpui a nih thu a sawi a, ram damna turin zirna siam \hat a \ul nia hriat a nih avangin kalphung thar hi hman a ngai ta a ni, a ti. Pu Lalchhandama Ralte chuan, Exam kalphung tharah hian tun hmaa kum khat \um 3 Exam neih \hin ang khan Exam hi buatsaih a nih tur thu leh hetah hian CCE-a Internal Mark khawl anga kha hman tho a nih tur thu a sawi a, hemi atana hriattirna hi tichhuah tawh niin, Exam Calendar pawh siam a nih tawh thu a sawi.
Pu Lalchhandama Ralte chuan, Lunglei District chhungah zirtirtu aikal la mi 211 an awm tih a sawi a, heng mite hi dan bawhchia leh Pathian pawisawi an ni, a ti a. Aikal late chungah Headmaster, SDEO leh DEO te an khawng a ngai a, mi 20 ban an nih chuan a ziaawm theih a rin thu sawiin, Politics thila inchhan an remtih dawn lo a, ram a chhiat loh nan bung thar kai a ngai a ni, a ti. Nu leh pa zah leh hmangaih te, aia upa zah te, tlawmngaihna leh hnam nunphung chu naupangin an hriat a ngai a, hemi kawngah hian zirtituten mawhphurhna sang tak an nei tih hre tur leh an sikul naupangte hnena a tam thei ang ber zirtir turin a chah bawk.
He inkhawmah hian Education Secretary, Pi Esther Lalruatkimi’n Headmaster te mawhphurhna leh hriat tur a sawi a, Pu Lalrinsanga Ralte MLA in thu a sawi bawk. He intuaitharnaah hian Lunglei District a Sorkar enkawl Middle leh Primary school Headmaster 402 an tel a ni.
