Vawiina a Pisa-a thuthar lakhawmtute a kawmnaah Pu Lalchhandama Ralte chuan, SSA leh RMSA hnuaia thawktu inzawmkhawm Federation of Mizoram Samagra Employees chu an hna chhunzawm turin sorkar-in a ngen tih sawiin, hei hi zawm lova naktuk emaw naktip emaw a\anga hna an thawk zawm lo a nih chuan insawifiah tura hriattir an ni dawn a, an hnathawh mekah tui lo leh thawk chhunzawm duh lovah sorkar-in a ngai dawn tih sawiin, Sorkar thu zawm lote chu lo chhinchhiah a, a \ul anga report pawh lo buatsaih turin sikul tin Headmaster, Local Council, Village Council leh Village Education Committee-te ngen an ni tih a sawi. Pu Lalchhandama Ralte chuan, FEMSE-ten tun thla ni 21 a\anga a zawna ni thum chhung hna an chawlhsan thut chuan a barakhaih hle a, a pawi a ti takzet tih a sawi a. Hemi avang hian Mizoram hmun hrang hrangah Zirna In a chawl \hup a, zirlai naupang rilru thianghlim tak takte an zirlai zir zawm thei lovin an bakah exam thei lovin an awm a, hei hi thil dik a nih loh avangin zirlaiten zirna an chhunzawm a, an exam ngei theih nan sorkar chuan hma ala dawn a, sorkar-in a tih theih chin a sawi hnu pawha an hna zawm duh lote aiawh tur lo ngaihtuah turin VC leh Local Council-te chu an huam chhunga zirtirtu atana qualify tun thla ni 28 leh 29 chhunga lo zawng hmu a, bialtu DEO emaw DPC emaw hnena thlen turin an ngen tih a sawi.
Zawhna chhangin School Education Minister chuan, Federation of Mizoram Samagra Employee ten an ham\hatna nawra sorkar an kar hun atan exam lai an thlang chu awm lo an tih thu a sawi a, mi sang 4 vel hlawh vawi leh khata tih san nghal chu a harsat thu leh an hlawh hi tih pun a nih dawn chuan kum khatah cheng vbc. 14 vel sorkar-in a sen belh a ngai dawn a, hemi chungchang hi Finance Minister hnenah pawh an thlen tawh tih sawiin, dah ngheh chungchang pawh hotu sang \hutkhawmnaa an sawi ho tawh \hin thu a sawi. Zirtirtute hian an hna zawm se tih chu an duh ber a nih thu a sawi.
Pu Lalchhanrama Ralte hi HRD Board Vice Chairman, Pu L Thangmawia leh Rubber & Allied Development Vice Chairman, Pu Lalrinsanga Ralte leh Education Department hotuten an \awiawm a ni.
