Hemi chungchanga thuchhuah a siamah School Education Director chuan tun dinhmunah Mizoramah Private school kumtina sorkarin \anpuina Lumpsum Grant a pek 71 an awm tih a sawi a, chungte chu Middle School 33, High School 27 leh Higher Secondary School 11 a ni a, Middle School \anpui nan hian kum khatah Rs.1,20,000/- zel, a vaiin Rs.39,60,000/-, High School \anpui nan kum khatah Rs.1,20,000/- zel, a vaiin Rs.32,40,000/- leh Higher Secondary School \anpui nan kum khatah Rs.1,50,000/- zel, a vaiin Rs.16,50,000/- pek an ni a, heta tana sum hman ral hi a pumpuiin Rs.88,50,000/- a ni tih a tarlang a, tuna lungawilohna lantir mek Higher Secondary School 9 te chauh ni lo, Lumpsum Grant-in-Aid School dang 62 te pawh \anpui ngai an nih avangin hengte tel lo chuan anmahni chauh a ngaihtuah theih bik loh niin a sawi a, Adhoc Grant-in-Aid dinhmuna heng school te hi hlankai lo ni ta se, hnathawktute basic pay bakah DA za zela 50 pek a ngai dawn a, kum khata sorkarin sum a sen belh tur chu cheng vaibelchhe 20 leh nuai 84 vel a nih avangte, sorkar hnathawk dangte ang bawka kumtin increment pea, Senior Grade Pay leh Selection Grade Pay te pawh siamsak an ngaih dawn avangin sum mamawh hi sorkar tan pek a harsa dawn niin a sawi a ni.
School Education Director thuchhuah chuan private school din a nih dawnin School Education Department-ah hawn phalna dan anga dil a ngai a. Phalna pe turin tehna hrang hrang 20 chuanga teh a ngai a, chung zinga 3-ah chuan kum lo kal zel turah zirna in an din tur chu \ha takin Managing Committee-in a enkawl thei ang em tih chu School Managing Committee zawng zawngin thei ang tiin an chhang vek a, School-a thawk zirtirtu leh zirtirtu ni lote hlawh, qualification leh an hnathawh dan chungchangah sorkar Deptt. dan siam zawm vek an intiam a, school hawn phalna pek an nihin sorkar a\anga \anpuina emaw, ham\hatna emaw an beisei loh tur thu ziakin hriattirna pek vek an ni bawk niin a sawi a ni.
School Education Department Director chuan tuna Lumpsum Higher Secondary School 9 te thilphut chu tun dinhmunah tihhlawhtlin theih a ni rih lo tih a hriattir a, zirlaite hmakhaw ngaia tuna an nawrh mek chu titawp turin a ngen bawk a ni.
Hemi hmalam, nimin chhun khan Mizo Zirlai Pawl hruaitute chuan an President, L. Ramdinliana Renthlei hovin hemi chungchangah hian Chief Minister, Pu Lal Thanhawla a chenna Banglaah an hmua, Chief Minister chuan sum harsat vangin Lumsum Grant in-Aid School -te thil phut hi tih hlawhtlin theih a nilo tih a lo hrilh a ni.
