Hostel sakna hmun hi Central YMA ram a ni a, Education Deptt. nen inremna an siam angin NLCPR, DoNER Ministry a\anga sum hmuh hmang a sak a ni a, inremna angin Central YMA enkawl turin hlan nghal an ni.
Chief Minister Pu Zoramthanga chuan, zirlai awmna tur neilo te tan hostel nuam leh him tha tak sak a ni ta chu thil chhinchhiahtlak tak a ni a ti a, zirlaite tan \angkai taka hman chhoh zel a nih a beisei tih sawiin hostel din a ni theihna tura Central YMA leh Education deptt. ruahmanna fel tak an siam chu lawmawm a tih thu a sawi.
Education Minister Pu Lalchhandama Ralte pawhin thusawiin hostel chu hun rei tawh tak a\anga Central YMA leh Education Department ten thawhdunna thuthlung an siam tawh rahchhuak pakhat a nih thu a sawi a. Sports Minister Pu Robert Romawia Royte pawhin thu sawiin infiamna kawnga sokar hmalaknaah Education Department leh Sports Department ten thawhhona \ha an neih a pawimawh tih a sawi.
Central YMA President Pu Vanlalruata chuan Aizawl pawn a\anga lehkhazirte tan a awmna tur hmun changtlung tak siam a ni chu phurawm a tih thu sawiin School Education Department hmalakna leh sawrkar chungah lawmthu a sawi a ni.
Zirlai Hostel hi kum 2016 a\ang sak \an a ni a, kumin April thla khan zawhfel a ni.
