Supreme Court bench, Justice UU Lalit kaihhruai chuan hemi chungchang hi chipchiar zawka zirchian a ngaih thu sawiin, February ni 19 ah ngaihtuah leh turin a dah a ni. Senior Advocate Vikas Singh chuan he dan siam\hatna-in, pawikhawiha puhte chu ‘bail theih loh tur’ a tih chu hmang rih lo tura thupek siam turin supreme court hi a ngen a, hemi hmalam tun thla ni 25 khan Supreme Court chuan central sorkarin hemi chungchang a sawifiahna te enfiah hmasak phawt tur a ni a lo ti tawh bawk.
Nikum March ni 20 khan Supreme court chuan he dan hi hmansual a nasa nia sawi a awm avangin, he dan tlawhchhana thubuai thehluh anihin tumah man nghal loh tur an ni tih thupek a lo siam tawh a, Parliamant chuan nikum August ni 9 khan a hmalama supreme court thutlukna lo siam tawh hi \hiatin, he dan hnuaia man te chu bail theih an ni lo ang tih hi a pass nawn leh a ni.
