Serchhip DIET Office Tual-a he ni puala inkhawm tawi neihah District Bawrhsap, Pi Sangchhin Chinzah chuan tunlai khawvel-ah Information Technology lama hmasawnna sang tak avangin mi tam takin lehkhabu chhiar an thlahthlam chu thil pawi tak a ni a ti a, thiamna ziktluak nei turin naupan lai a\anga lehkhabu \ha chhiar tam a pawimawh tih a sawi.
Serchhip DIET, Serchhip District Academy of Letters (SEDAL) leh Zoram Entu Pawl (ZEP) te \angkawp buatsaih lehkhabu chhiar ni hi Serchhip DIET Principal, Lalrammawia’n a kaihruai a, SEDAL President, Lalhmangaiha Chawngthu leh Secretary, Laldinpuia te pawhin thu an sawi a ni.
Serchhip DIET leh ZEP-a thawk te bakah Govt. Chanmari M/S-a zirtirtu leh zirlaite an tel a, Serchhip DIET Library-a lehkhabu chi hrang hrang leh ZEP Resource Centre-a lehkhabu chi hrang hrangte chhawpchhuah a ni a, heng lehkhabu te hi kawt zawl-ah hian a chhiarna tur hmun siamin nileng in lehkhabu te hi an chhiar a ni.
