Attorney General, KK Venugopal-a’n kar lehah Supreme Court judge-ten lungrual takin hna an thawk ho leh dawn niin a sawi a, Supreme Court Judge senior ber ber pali-in nimina thuthar lakhawmtute kawm a, Chief Justice thil tih dan leh court sang ber dinhmun a \ha lo nia an sawi chungchangah he thu hi sawiin, Thawh\anni zingah hian dan pangngaiin Supreme Court Judge-te hian boruak \ha tak hnuaiah hna an thawk ho leh dawn niin a sawi a, Supreme Court hmingchhiat chu tuman an duh lo tih sawiin, Judge te pawh mi fing leh dik, mi rintlak leh tawnhriat ngah tak tak an nih avangin, a \ha lo zawnga thil a inher chhoh zel an duh a rin loh thu a sawi. Chief Justice, Dipak Misra chuan nakt<kah heng judge pali hi a titipui dawn nia hriat a ni a, Delhi khawpui pawna zin chhuak, Judge pathum pawh Chief Justice kawm tur hian an haw dawn nia hriat a ni. PM pawhin Chief Justice hi kawm a duh nia hriat a ni a, PM Principal Secretary, Nripendra Misra chu Chief Justice inah hian a leng a, mahse Pu Misra chuan hei hi he thil nen a inkaihhnawih lo nia sawiin, Chief Justice pawh hi a hmu thei ta lo niin a sawi.
Attorney General, KK Venugopal-a chuan nimina Supreme Court Judge senior ber ber pali-in thuthar lakhawmtute an kawm chu thil pumpelh theih niin a sawi. Puan tawh angin, Judge pali hian nimin t<kah khan Chief Justice hi hmuin, an ngaihdan leh an rilru-te an hrilh a, mahse ani hian an beisei anga a lo bengkhawn loh avangin, chhunah Press Conference an ko ta a ni. Heng Judge pali – Justice J Chelameswar, Justice Ranjan Gogoi, Justice M B Lokur leh Justice Kurian Joseph-a hian, court sang bera thil awm dan chu a nih dan tur ang a ni lo niin an sawi a, thubuai pawimawh leh langsar zual ngaihtuahtu tur ruat an nih dan pawhin duhthu a sam lo niin an sawi a, Chief Justice chu Judge te zinga pakhat, a senior ber a ni ve mai tih sawiin, chungnunna dang tehchiam a nei lo niin an sawi. Supreme Court Bar Association chuan Supreme Court Judge senior ber ber pali-in thuthar lakhawmtute an kawm chu \ha lo an tih thu sawiin, an lungawi lo a nih emaw, an duh dante chu Chief Justice-in a tihlawhtling thei lo emaw a nih chuan Judge zawng zawng inrawn khawm se, a \ul chuan President hnenah hial pawh thlen zawk se an duh thu an sawi a ni.
