SC-in CBI judge BH Loya thih dan chhui

Supreme Court chuan vawiin khan kum 2014-a Special CBI judge, B.H. Loya, mak taka a thih chungchang a ngaihtuah a, hei hi thil lian tak a nih avangin he thil chhuitu tur hran hi din a nih loh chhan tur sawifiah turin Maharashtra sorkar a hrilh a ni. Loya hian Sohrabuddin Sheikh thubuai an tih, Gujarat-a inkahna lem chungchang, CBI thehluh chu a ngaihtuah a, hetih lai hian lungphu chawlin a thi nia sawi a ni a, Justice Arun Mishra leh M.M. Shantanagoudar awmna bench chuan, Maharasthra sorkar ukil, Nishant R. Katneshwarkar chu hemi chungchanga sawi tur a neihte, tun thla ni 15 aia tlai lova sawi turin a hrilh a ni. Bombay Lawyers Association ukil, Dushyant Dave chuan, hemi chungchang hi Bombay High Court-a a awm avangin, Supreme Court-in a ngaihtuah tur ni lo-a a ngaih thu a sawi a, a ngaihtuah chhunzawm chuan High court dinhmun chu a khirh zo dawn niin a sawi. Supreme Court erawh chuan hemi chungchang leh, a sawiselna pawh a ngaihtuah tur thu a sawi a, he thu thehl<ttu, Congress hruaitu, Tehseen Poonawala-a ukil, Varinder Kumar Sharma chuan, kum 2014 December ni 1-e he judge thih dan hi a mak hle nia sawiin, chhui chian ngei tur nia a ngaih thu a sawi a, hemi hnu hian court chuan Maharasthra sorkar ukil, Nishant R. Katneshwarkar chu he judge ruang endikna, poset mortem report leh lehkha pawimawh dangte chu thehl<t tur leh, sorkar ngaihdan pawh hriat tum turin a hrilh a, hemi chungchang hi tun thla ni 15 khian ngaihtuah chhunzawm leh a nih tur thu a sawi a ni.