Supreme Court-a senior judge pali-in thuthar lakhawmtute kawmin, court sang bera thil awm dan chu a fel tawk lo niin an sawi a, thil awm lo tura ngaih tam tak a awm niin an sawi. Vawiin chhunah khan heng senior Judge te hian Chief Justice dawta judge senior ber, Justice J Chelameswar-a inah thu thar lakhawmtute hi an kawm a, he thil fel lo hi siam \hat a nih loh chuan, India rama mipui rorelna chu a nghing thei dawn niin an sawi. Chelameswar-a b^kah hian Justice Ranjan Gogoi, M.B. Lokur leh Kurian Joseph-a chuan, t<kin khan Chief Justice, Dipak Misra pawh kawmin Supreme Court dinhmun leh thil fel lo nia an ngaihte hi an sawipui niin an sawi a, hetiang thu sawi tura thuthar lakhawmtute kawm chu thil hrehawm leh nuam lo tak niin an sawi bawk. Judge pali chuan, an thu thlen hi ching fel tura Chief Justice an ngenna chu a hlawhchham a, Chief Justice hian tihhlawhtlin a tum lo niin an sawi a, tunah chuan, tun hnaia thil thleng tam tak a\anga chh<tin, India rama mipui rorelna dinhmun chu a ngaihtuahawm ta nia an ngaih thu an sawi. An thil ngaimawhte chungchang zawhna chhangin Judge 4 chuan, Chief Justice-in thubuai, ngaihtuah tura a sem dan pawh a tel niin an sawi a, vawiin khan Sohrabuddin Sheikh thubuai ngaihtuahtu, Special CBI judge, B.H. Loya, mak taka a thih chungchang chu Supreme Court hian a ngaihtuah avangin an thusawi hian ngaihven a hlawh hle a ni.
Justice Chelameswar-a chuan, Supreme Court dinhmun leh ram pum dinhmun chungchangah mawhphura an inngaih thu sawiin, thil \ha zawk tur nia an ngaih, Chief Justice hnena an thlente chuan awmzia a nei si lo niin a sawi a, Justice Gogoi-a pawhin thil awm dan nia an hmuh, ram mipuite tana puanzar chu an mawh leh an tih tur dik tak nia an ngaih thu sawiin, hemi chungchangah hian an tih loh tur ti-a an inngaih loh thu leh, ram leh court sang ber zahawmna humhim nan, a \ul dan anga chet zui pawh an tum thu an sawi a ni. Justice Gogoi-a hi October thla a\anga Chief Justice thar tur a ni a, Chief Justice Dipak Mishra chu ban an duh leh duh loh chungchang zawhna chhangin, hetiang thleng hi chuan sawi an duh loh thu an sawi.
Supreme Court-a senior judge pali-in thuthar lakhawmtute an kawm hnu-ah hian PM, Narendra Modi chuan Law Minister leh dan lama hotu liante a ko nghal a, an thusawi erawh chu hriat a la ni lo. Sorkar chuan, heng judge pali-te thusawi hi dan hmanga rorelna chungchang bik a nih avangin, sorkar a inrawlh a rinawm lo niin a sawi a, mipuiten dan hmanga rorelnaah rinna an nghah ngam zel theihna tur erawh chuan, chin fel ngai apiang chin fel a \ul thu a sawi.
