Save Chite Lui Committee chu nimin khan an Chairman, Chief Secretary Pu Lalmalsawma hovin New secretariat Complex-a Chief Secretary Conference Hall-ah an thukhawm a, Chite Lui Action Plan Phase-I hmanga hmalak tawhna leh hmachhawp awmte an thlir ho. Chite lui humhalhna tur hmalak thawh khatnaah hian Chite lui pawimawhna te, chhanchhuah leh humhalh a tulna mipuite hnena zirtir a ni. Sawi honaah hian Chite Lui Comprehensive Plan of Action Phase-II chu duan zui nghal ni se an ti a, Phase-II ah hian Chite Lui chhanchhuak tur leh humhalh tura zau zawka hmalak dan turte, lui humhalhna atana lui dunga hna thawh dan turte, Sorkar Department hrang hrang nena thawhho dan tur te, Sorkar laipuia sum dil dan turte lehh Chite Lui nihphungte zirchian tur a ni.
