Inrinni tuk-a Drone hmanga tuialhthei sawngbawlna hmun pahnih beitu an nih thu Yemen-a Houthi hel pawlten sawi mahse, hei hi Saudi Arabia, US leh khawthlang lam ram \henkhat chuan an awi lo a, French Foreign Minister Jean-Yves Le Drian chuan Houthi hel pawlten an tiha an chhal chu rintlak a ni lo a ti a, Germany-a Saudi palai chuan tuialhthei sawngbawlna hmun beitu hi Iran a ni tih sawiin, a \ul anga beilet turin ruahmanna duan mek a ni a ti.
US Secretary of State Mike Pompeo chuan Saudi Arabia hi tlawhin lal fapa Mohammed bin Salman nen an inkawm a, Saudi Arabia in amah inven theihna a neih chu US in a pawmpui tih a hrilh a, Iran chet dan chu dawrh reng chi a ni lo tih a sawi bawk.
Mike Pompeo hian tuialhthei sawngbawlna hmun lian ber leh pawimawh ber beih a ni chu indona dik tak a ni a ti a, a beitu chu Iran a ni tih a sawinawn bawk. Tuialhthei sawngbawlna hmun beia puhna hi Iran chuan a pha thung a ni.
Soudi Arabia pawhin an rama tuialhthei sawngbawlna hmun beitu chu rinhlelh rual lovin Iran a ni a ti a, defence ministry thupuangtu Colonel Turki al-Malki chuan drone keh them thlalak te chanchinbumite hmaah pholangin, Yemen a\anga thlawk chhuak an ni thei lo hrim hrim tih a sawi a, drone 18 bakah missile \hahnem tak hmanga beih a ni a ti.
