Satellite hmanga thlalakah North Korea-in missile emaw satellite kahchhuah a tum niin a lang.

Tun kar tir lama North Korea-in rocket a kahchhuahna hmun pui ber Sohae sak \hat a ni tih hriatchhuah a nih hnuah missile leh rocket an dahkhawmna \hin Sanumdong bulah lirthei lian chi engemawzat an lutchhuak a, North Korea hian missile leh rocket kahchhuahna hmun sawn tumin a inbuaitsaih nia rin a ni. Nimin khan US President Donald Trump chuan an North Korea hian inremna bawhchhiaa ralthuam a enchhin chhunzawm leh a nih chuan a lung a awi lo hle ang tih a lo sawi tawh a, thilchikmite chuan Pyongyang hian missile aiin satellite kapchhuak turin a inbuatsaih zawk nia an rin thu an sawi a, amaherawhchu US chuan Trump leh Kim Jong Un te inbiakremna nen hei hi a inmil loh thu a sawi a ni. US National Security Advisor John Bolton chuan North Korea hian Nuclear ralthuam hman a tihtawp loh chuan a hma aia nasa-in an hrek dawn tih a sawi bawk a ni.