He ni lo thlengah hian Mizoram Larsap, Pu Kummanam Rajashekharan chuan mipuite hnena thuchah sawiin Rashtriya Ekta Diwas hi kum 2014, October ni 31 khan Sardar Vallabhai Patel-a pian champha vawi 139-na lawm nan hman a lo ni tawh a, khami ni khan Prime Minister, Pu Narendra Modi chuan New Delhi-ah Run for Unity vailiamin Sardar Vallabhai Patel lim hmaah zahna pangpar a lo hlan tawh niin a sawi a, Sardar Vallabhai Patel chu India ram tana mi pawimawh, India Republic din kawnga sulsutu mi pawimawh niin a sawi a ni. Larsap chuan kum 1875 vawiin anga Gujarat-a Karamsand-a piang, Sardar Vallabhai Patel hi dan hre mi, Mahatma Gandhi kaihhruaina hnuaia ram zalenna sualtute zinga mi pawimawh Quit India Movement siamtute zing ami a ni tih sawiin, India ram inpumkhatna atana a hnathawh ropui ber chu kum 1947 leh 49 inkara Union Home Minister leh Deputy Prime Minister a nih laia India ram chhunga lalram tenau te te awm 500 vel lai, Indian Union-a inzawmkhawm tir a ni a ti a, amah hi Iron Man of India tia hriat a nih hnuah India ram chhunga lalram tenau te te, India sorkar hnuaia inrelbawlna pakhatna siam tura inzawmkhawm tir tu a ni a ti.
