He kawng an dan pinna hmunah hian MAP duty dah an ni a, YLA leh VC te chuan duty dan tur an duang nghal a, Saisihchhuahah hian Sangau-I, II, III leh IV VC te bakah Sangau khawchhunga YLA branch hrang hrangte leh Pangkhua branch YLA leh VC te chu a inchhawkin an duty \hin dawn a ni.
Saisihchhuaha kawng dan pinna tur siamnaah hian Mizoram hnaiha awm Myanmar ram chhunga khaw \henkhat hotute kohkhawm an ni a, kawng danpinna te chu tichhe lo tur leh Coronavirus a len chhung chu tumah Mizorama lut lui lo turin an chah a ni. Saisihchhuah bakah Burma kawtkai pakhat Hmunchhunchhuak-ah pawh Thaltlang leh Sentetfiang khuaa VC te leh YLA te an duty dawn bawk a ni.
Lawngtlai East bialtu MLA, Pu H. Biakzauva chuan Indo-Myanmar border-a duty mek Assam Rifles te chu Pangkhua bul, Kilometre 1 leka hnaia duty lo va, ramri Saisichhuaha an duty theihna turin thuneitute hnenah a thlen bawk a ni.
