Salman Khan ram pawna a zin chhuah phalsak a ni

Sakhi chikhat Blackbuck a kah avanga kum 20 zet thubuai nei tawh, he thubuai avanga tunhnaia man a nih hnua bail-a chhuak mek, Film star lar Salman Khan chu ram pawna a zin chhuah phalsak a ni tih court in vawiin khan a puang. Jodhpur District and Sessions Court-a roreltu Chandra Kumar Songara chuan Salman khana’n May ni 25 leh July ni 10 inkara US, Canada leh Nepal ah te zin a dilna chu a phalsak a ni. Kum 52 mi Salman Khan hi kum 1998 ah Blackbuck pahnih a kahhlum avangin kum 5 tang tura a chungthu rel a ni a, Jodhpur Jail ah zan hnih a riah hnuah April ni 7 khan Bail in a chhuak a, hei hi jail a tan \um 4-na a ni. Kum 1998, 2006 leh 2007 ah te khan Salman khan hi Jail ah a lo lut tawh a, a vaiin ni 20 a tang tawh a ni. Bail-a chhuahtirtu Judge Ravindra Kumar Joshi chuan court phalna la hmasa lova ram chhung a chhuahsan a khap a ni. A thubuai hi May ni 7 ah ngaihtuah leh tur a ni.