YMA Day lawmna hi Hall thar hawn takah neih chhunzawm nghal a ni a, a hmanpuitu Pu Zodintluanga chuan, \halai leh naupang zawkte chu khawi hmunah pawh dikna, rinawmna leh taima turin a chah a, hengte thilte hi an nunpui a nih chuan engtikah mah harsain an awm a rin loh thu a sawi. Pathian thuin nu leh pa chawimawi tura a zirtirna chu \awngkaa an mahni fak tur tihna lam ni lovin, an nunin Pathian \ih chunga nun a, nu leh pa thu awih leh khawtlang duh dana nun chu nu leh pa chawimawina a ni tih hriat a ngai a ni, a ti. Pu Zodintluanga chuan, Social Media chu khawvel ken a nih tawh avangin inkhap lam ni lovin a hman dan dik inzirtir a \ul hle a ni, a ti a. Social Media-a an thil hmuh chu finfiah hmasa lova lo awih ngawtte, midang deriam phah nana lo hmante chu kalsan a hun thu a, khawvel a changkan zel rualin phone hmangin engkim deuh thawh a tih theih tawh a, hei hi Mizo \halai zingah a \ha lam zawnga hmang lova, a dik lo zawng an hmang nasa mah mah chu a pawi a, Mizo an nihna angin heng khawvel changkannain a kentel hi finfiah hmasa zel ila dawt leh thupuarpawleng tuipui tawka awm tum loh a ngai a ni, a ti.
Sakawrtuichhun Branch YMA Hall thar Mualzavata Hall hi UD&PA Dept. kaltlanga rs. nuai 47 senga sak a ni a. Hall thar chhungah hi mi 300 vel an leng tura duan a ni a, a hnuai lamah Committee room leh inthlakna room te siam tel a ni bawk. Sakawrtuichhuna YMA Day lawmna hi Central YMA Asst. Secretary, Pu Peter Chhakchhuak pawhin a hmanpui a, hetah hian Sakawrtuichhun Branch YMA-in Music Video an siam ‘Buannel Ram Dai’ tih chu tlangzarh nghal a ni.
