Champhai District leh Mizoram khawchhak lam hmun danga kawlphetha p>kna, Saituala 132 KV Sub Station-a transformer lian chhe thlakna atan Zuangtui 132 KV Sub Station-a power transformer hman tum a ni. Power & Electricity Deptt. hotute hnen a\anga thu dawn danin, Zuangtuia power transformer la chhuak tur hian thil tihfel ngaite chu vawiin khan tihfel a ni a, he power transformer hi metric tone 30 chuanga rit a nih avangin a phurh theihna chi motor lian ngaihtuah mek a ni a, Power Deptt. motor a hman theih loh chuan mimal ta hire a ngai dawn a, phelh darh chi a nih si loh avangin motor-a hlan leh a hlan thlak te, a awmna hmun tura bunte chu rang taka zawh fel mai theih chi a ni tih sawiin, an hnathawh dan lo ngaichang tur leh hrethiam turin Power Deptt. hotute chuan a tuartu mipuite an ngen a ni. Saitual 132 KV Sub Station-a power transformer lian hi tun thla ni 5, Zirtawpni khan a chhia a, siam \hat mai theih a nih loh avangin a danga thlak a ngai a, hemi chhung hian Serchhip lam a\angin kawlphetha lak luh theih ang ang lak luh a ni a, amaherawhchu, Serchhipa transformer hian zawh tawk a neih avangin mipuite mamawh phuhru khawp pek chhuah a har dawn niin Power Deptt. hotute chuan an sawi bawk.
