Human Resources Development Board Vice Chairman Pu L. Thangmawia, Lengteng bialtu MLA chu “Kut Pa” ah hmangin |awi bialtu MLA, Art & Culture Minister ni bawk Pu R. Lalzirliana chu “Kut Thlengtu” a ni a, kut chhim tur hian Saitual District chhunga khaw hrang hrangte an kal khawm a ni.
“Kut Pa” Pu L. Thangmawia chuan Saitual District chu zohnahthlak hnam hrang hrang, tawng hrang hrang hmangtute awmkhawmna a nih avangin zofate inzawmkhawm lehna atana sulsutu district pawimawh tak an ni thei tih a sawi a, Chapchar Kut chu hemi kawnga a bul \anna ni se a duh thu a sawi. “Kut Thlengtu” Pu R. Lalzirliana pawhin thusawiin Chapchar Kut chu mizo hnam ziarang leh hnam lam, zai leh nun zemawi pholanna hun \ha tak a ni a ti a, Mizo hnam nun zemawi tlawmngaihna, aia upate thu awihna, rinawmna, huaisenna, thenawm khawveng, ram leh hnam hmangaihna rilru put thar tirtuah Kut chu hmang turin mipuite a chah a ni
Saitual District bawrhsap Pu C. Lalpeksanga pawhin thu a sawi a, Saitual District chhunga zohnahthlak hnam hrang hrang ten hnam lam leh zai te an entir a, tlaiah chhawng hnawtin kut ruai an \heh a ni.
