Lungawilohna ni an hman nachhan hi Saitual District an dil vawiin thlenga pek an la nih loh vang a nia, Saitual khawpui chhunga School zawng zawng leh Sorkar pisa zawng zawng an khar vek a, hmun hrang hrangah luhawilohna thu ziak leh Banner-te tar a nia, khawpui chhunga tlan lirthei zawng zawngah flag dum zar vek a ni. He ni hmangtu mipui te chu SDO Civil Complex a kawng peng\huam laiah vawiin chhun khan an in tawk khawma, he tah hian thu sawiin Saitual District Implementing Demand Committee Chairman Pu Rohmingliana leh Pawl hrang hrang aiawhte chuan an thil phut tih hlawhtlin a la nih loh vanga lungawiloh thu an sawi a, District chu Congress sorkarin a tiam nia sawiin, kum 10 an sorkar chhung pawha tihhlawhtlin a nih loh vangin an lungawilo takzet niin an sawi a, kumina Mizoram Assembly inthlanna neih turah Congress-in |awi bialah candidate dah lo se tih te, anmahni bialtu Minister, Pu R. Lalzirliana chuan an thlavang hauh nan Minister a nihna a\angin bang ngam se tih te thusawitute chuan an sawi a ni.
