Tlawng kawng hi PCC Flooring (concrete)-a siam a ni a. Sairang khaw mipuite eizawnna pawimawh tak balu lak te, thlai hnah chi hrang hrang nul atanga an lakna kawng leh hmun dang atanga Sairang Tlawng lui panna kalkawng ber a nih avangin Sairang VC te leh mipui ten kawng tha zawk an neih theih nan MGNREGA leh mipui thahnemngaite sum thawhkhawm hmangin October 2018 atang khan an siam \an a, hawn theihin an zo fel ta a ni.
Kawng hawn paha thu sawiin Rural Development Minister chuan Kawnpui leh Sairang inkar kawng chu siam that thuai tum a ni a ti a, luipui dung ramngawte humhalhna Riverine Reserve Forest chungchang chu sorkarin a tul angin a ennawn ang a ti. Pu Lalruatkima chuan Rural Developement Dept hmalakna Scheme hrang hrang hmangin hmasawnna leh eizawnna tam tak siam theih a nih avangin khawtlang hruaitute pawhin inpekna thar nen hna an thawh a ngai dawn a ni a ti. Pu Lalruatkima hi RD Department-a Deputy Secretary Pu CC Lalchhuangkima leh DRDA Aizawl Project Director Pu V.Lalengmawia ten an \awiawm a ni.
