Sairang Higher Secondary School in an zirlai kumin a pawl 12 pass thar mi 25 te vawiin khan an chawimawi. Hemi puala inkhawm Sairang YMA Hall-a neihah bialtu MLA Pu K Sang\huama chuan thu sawiin, zirlaite chu an zirna tibuai khawpa pawl leh thil danga inhmang lo turin a chah a, sap \awng leh Hindi thiam tum tur leh chumi ruala Mizo \awng chawisangtu ni turin a chah a ni. Pu K Sang\huama chuan, Sairang khwaltang in an din higher Secondary school chu kumin inthlanpuia an party in thuneihna an chan chuan din hmun sang zawka dah tura \an a lak tur thu a sawi. Sairang Higher Secondary School hi khawtlang \angrualin kum 2011 khan an din a, zirlai 63 chu zirtirtu 5 in an enkawl an ni. Zirlaite chawimawina Inkhawm hi Sairang VCP Pu J Laltlanthanga’n a kaihruai a ni.
