A ruang hi a in bul hnimbuk karah chhar a ni a, vawi tam tak vuakna hliam hnuhma a taksaah hmuh a ni. A thih hma hian Grigoryeva hian vawi engemawzat thaha vauna a lo tawk tawh a, heti chung hian mihring dikna leh chanvo chungchangah ngawrh takin a campaign reng tho a ni.
Activist, Dinar Idrisov chuan Grigoryeva hi a \hianpa-in rawng takin a in bulah a that tih facebook-ah a post a, he thihna thlen hma lawk hian thah tuma a vau bakah tharum hmangin a lo khawih tawh a, Police-ah pawh a zualko fo tih a tarlang bawk.
Police te chuan thaha vau anih chungchangah report an dawng tih chiang takin an sawi thei lo tih an sawi thung a, Grigoryeva thattu nia hriat chu an man tawh tih an sawi bawk.
Grigoryeva hian Ukraine-a dan bawhchhia leh thil tisualtute dahna peninsula lung ina tang te enkawl dan dik lo chungchang leh mihring dikna leh chanvo chungchang te a auchhuahpui \hin a ni.
Nikum January thla khan Activist dang Konstantin Sinitsyn, kum 53 mi pawh St. Petersburg-a a in bulah thia chhar a lo ni tawh bawk a, a lu-ah hliam a nei a, Police te chuan rukruah an puh thung a ni.
