Peskov chuan US-in Russia hrek belh a tum vangin an inkar chu a chhe zual dawn niin a sawi bawk a, mahse hei vang hian inbiakna neih an duh lo emaw tihna a nih loh thu leh an ram pahnih inkara harsatna awmte chu inbiakna a awm loh chuan a reh ngawt thei lo tih a sawi bawk a ni. US hian thawhlehni lamah khan Sergei Skripal-a beih a nih chungchangah Russia hi hrek belh a tum thu a lo sawi tawh a, thla thum kalta pawh khan US chuan chemical leh biological ralthuam tirem tura inremna Russia hian a bawhchhia niin a lo sawi tawh bawk a ni.
