Russia ah hian ni 4 chhungin a zawnin, hri leng kai thar mi sing 1 chuang hmuh chhuah an ni tawh a, thihpui pawh mi 86 an awm belh a, thi zat hi 1537 an tling tawh a ni. Russia ah hian coronavirus thihpui zat hi ram dang nena khaikhin chuan an tlem fal hle a, Russia thuneitute chuan an ramah hri leng a darh tlai deuh hret avangin inbuatsaihna hun an nei hman a, hei vang hian thihpui zat hi an tlem niin an sawi a, hei hi mi thenkhat chuan an ring chiah lo thung.
Russia ah hian March thla tawp lam atang khan mipui khuahkhirhna thupek hman a ni a,. Moscow khawpuia chengte chuan an awmna atanga hnai ber eitur leh damdawi zawrhna hmuna kal turin an chenna in an chhuahsan thei a, an ui a chhuahpui phal a ni a, bawlhhlawh an paih phal a ni bawk a, a bak zawngah chuan pawn chhuah phalna an lak hmasak a ngai a ni.
President Vladimir Putin chuan Thawhtanni thleng khian mipui kharkhipna thupek hi hman turin a puang a, Moscow bik hi Russia-a coronavirus darhna hmunpui ber a ni a, mi sing 8 sang 5973 in an kai a, mi 866 in an thihpui tawh a ni.
