He thu hi nizana ITI Veng Event Management-in |halai Nite a buatsaih a hmanpuinaah sawiin Pu Lalruatkima chuan Krismas hmang tura inbuatsaih mek lai hian veng tinah mu lum zo lo te, ei leh bar tlachham te leh retheih luat vanga mittui nena he hunpui lo thleng tur hmuak an awm thei tih sawiin chung mite tana malsawmna nih tum turin mipuite a ngen a, ITI veng chu kum tam tak chhung veng fai ber lo ni tawh, veng entawntlak an ni tih sawiin, veng mipuite \anrualna tilang chiangtu niin a sawi a, chawimawi tlak leh a phute chawimawi kawngah pawh entawn tlak an ni tih a sawi bawk.
Central YMA General Secretary Pu Lalhmachhuana pawhin thusawiin hunpui chhungin harsatna a thlen loh nan sorkar nen \ang dunin patrolling kal pui a ni dawn niin a sawi a, a sual zawng leh midang tana harsatna siam zawnga hmang lo tur leh YMA chu midangte \anpuitu a nih anga Krismas puala luangchhuak tura a duh thu a sawi bawk.
Inkhawm hi Pu Lalchhandama Ralte in a kaihruai a, ITI veng a kawng hrang hrang a mi chhuanawmte hnenah chawimawina thuziak an hlan bawk a ni.
