Pu Lalruatkima hian vawiin khan a Pisa tharah thuthar lakhawmtute kawmin, ram rawngbawl hna thawh kawngah Journalist-te chu thawhpui atan a sawm a, mipuiten Krismas leh kumthar hlim leh lawm taka an hman theih nan MGNREGS hmanga inhlawhna siam \hinah ni 4 chhung inhlawhna siam nghal a ni dawn a, hemi atana hriattirna hi Mizoram Sorkar chuan nimin khan a tichhuak tawh tih a sawi.
Information and Public Relations Minister ni bawk, Pu Lalruatkima chuan Sorkar hmalakna tihlawhtling turin Journalist-te an pawimawh tih a sawi a, sorkar anga hma an laknaah sawisel emaw zilh ngai emaw an awm a nih chuan inthlahrung lova finchhuah zel turin a ngen a ni. Pu Lalruatkima chuan sorkar-in hmalakna liantham a kalpui dawnin mipui zirtir hmasak an ngaih \hin thu leh chumi atan chuan Journalist-te nen an \anrual a ngaih tur thu a sawi a, Department hrang hrang hmalakna puanzar kawngah pawh \awimawm \hin turin a ngen a ni. I&PR Minister chuan, Journalist-te harsatna hrang hrang chu a hriatpui thu leh Journalist Welfare Rules hmanga Welfare Fund dah \hin pawh a \ul anga ennawn theih a nih tur thu te, Journalist-te tan Pension Scheme siam chungchang pawh zirchian a nih tur thu te a sawi bawk. Pu Lalruatkima hian MJA Charity Fund-ah Rs. 10,000 a pe a, MJA senior member, Pu Lalbiakthanga Pachuau chu krismas thilpek atan Rs. 2,500 a hlan bawk.
